ម៉ែ​ស្រក់​ទឹក​ភ្នែក​ពេល​ម៉ែ​នឹក​កូន
ថ្ងៃទី ១៤ ខែ មីនា ឆ្នាំ២០១៤ ម៉ោង ២៣:០៧:០៦ | បានអាន 726
ម៉ែ​ស្រក់​ទឹក​ភ្នែក​ពេល​ម៉ែ​នឹក​កូន

ជាតិ​ជា​ម្ដាយ​គ្រប់​រូប មិន​ដែល​មាន​ម្ដាយ​ណា​ដែល​មិន​គិត​ដល់​កូន មិន​នឹក​កូន​នោះ​ទេ ម៉ែ​តែង​នឹក​កូន​គិត​កូន​រហូត​ហើយ​គ្រប់​ពេល​ដែល​ម៉ែ​នឹក​កូន ទឹក​ភ្នែក​របស់​ម៉ែ​តែង​ស្រក់​ហូរ​មក​ជានិច្ច ព្រោះ​ម៉ែ​ស្រឡាញ់​កូន ម៉ែ​ត្រូវ​ការ​កូន។ ក្នុង​ពេល​ដែល​កូន​ឃ្លាត​ឆ្ងាយ​ពី​ម៉ែ ឬ​ពេល​ដែល​កូន​មិន​នៅ​ជិត​ម៉ែ ក្នុង​ទ្រូង​ម៉ែ​តឹង​ណែន​ចង្អៀត អួល​អាក់​ព្រោះ​ម៉ែ​នឹក​កូន​ខ្លាំង​ណាស់។

ក្នុង​ចិត្ត​របស់​ម៉ែ​តែង​នឹក​កូន​ជានិច្ច តែ​ក្នុង​ចិត្ត​របស់​កូន​ខ្លហ​មិន​ដែល​នឹក​ដល់​ម៉ែ​ឡើយ ទាល់​តែ​កូន​ជួប​ឧបសគ្គ​ផ្សេងៗ ឬ​ទាល់​តែ​មាន​ការងារ​ចង់​ឲ្យ​ម៉ែ​ជួយ ទើប​កូន​នឹក​ដល់​ម៉ែ កូន​ត្រូវ​ការ​ម៉ែ កាល​កូន​មាន​ភាព។

សប្បាយរីករាយ​ កូន​តែង​ភ្លេចម៉ែ កូន​មិន​ដែល​នឹក​ដល់​ម៉ែ​ទេ។ ចុះ​ហេតុ​អ្វី​ក៏​ចាំ​បាច់ ទាល់​តែ​មាន​ការងារ​ចង់​ឲ្យ​ម៉ែ​ជួយ ទើបនឹក​ដល់​ម៉ែ ម្ដេច​ក៏​មិន​នាំ​គ្នា​នឹក​ម៉ែ​គ្រប់​ពេល​វេលា​ទៅ។


តើ​កូន​មាន​ដឹង​ទេ​ថា គ្រប់​ពេល​វេលា ដែល​ម៉ែ​សប្បាយ ម៉ែ​តែង​នឹក​ដល់​កូន ម៉ែ​ចង់​ឲ្យ​កូនរបស់​ម៉ែ​មក​ចូល​រួម​សប្បាយ​ជា​មួយ​នឹង​ម៉ែ ហើយ​គ្រប់​ពេល​វេលា​ដែល​ម៉ែ​ជួប​នូវ​សេចក្ដី​ទុក្ខ​លំបាក ជា​ពិសេស​ពេល​ដែល​ម៉ែ​ឈឺ គឺ​ម៉ែ​ត្រូវ​ការ​កូន​ខ្លាំង​ណាស់ ម៉ែ​ប្រាថ្នា​ចង់​ឲ្យ​កូន​មក​មើល​ម៉ែ​ចង់​ឲ្យ​កូន​មក​ដើម្បី​ឲ្យ​ម៉ែ​ឃើញ​ មុខ ព្រោះ​ម៉ែ​នឹក​កូន​ម៉ែ​ចង់​ឲ្យ​កូន​មក​នូវ​នែប​និត្យ​ជិតម៉ែ បើ​កូន​គ្មាន​អ្វី​យក​មក​ជូន​ម៉ែ​ក៏​ហី​ទៅ​ចុះ ឲ្យ​តែ​កូន​គ្រប់​គ្នា​មក​ឲ្យ​ម៉ែ​ឃើញ​មុខ ប៉ុណ្ណឹងម៉ែ​សប្បាយ​ចិត្ត​រក​អ្វី​ប្រៀប​ផ្ទឹម​គ្មាន​ឡើយ។

មនុស្ស​ម្នាក់ៗ តែង​ស្រឡាញ់ និង​ហួងហែង​ជីវិត​ខ្លួន​ឯង​ណាស់ ព្រោះ​គ្មាន​អ្វី​ដែល​សំខាន់​ជា​ជាង​ជីវិត​របស់​ខ្លួន​ឯង​ឡើយ។ អ្នក​ខ្លះ​ហ៊ាន​លះបង់​អ្វីៗ​សព្វ​គ្រប់​បែប​យ៉ាង​ឲ្យ​តែ​ជីវិត​របស់​ខ្លួន​ ឯង​រស់​ តែ​ចំពោះ​ម៉ែ​បែរ​ជា​ហ៊ាន​លះ​បង់ជីវិត​ខ្លួន​ឯង ដើម្បី​កូន​ទៅ​វិញ ព្រោះ​ម៉ែ​យល់​ថា ជីវិត​របស់​កូន​ជា​ជីវិត​ដ៏​សំខាន់​សម្រាប់​ម៉ែ សំខាន់​ជាង​ជីវិត​របស់​ម៉ែ​ទៅ​ទៀត។ តើ​មាន​អ្នក​ណា​ទៅ​ដែល​ហ៊ាន​លះ​បង់​ជីវិតដើម្បី​កូន​ដូច​ជា​ម៉ែ? មាន​អ្នក​ណា​ទៅ​ដែល​ល្អ​ដូច​ជា​ម៉ែ រក​មិន​បាន​សោះ​ឡើយ មាន​តែ​ម៉ែ​ទេ ដែល​នឹក​កូន គិត​កូន​គ្រប់​ពេល​វេលា ហើយ​ម៉ែ​ស្រក់​ទឹក​ភ្នែក​ដោយ​សារ​កូន​ក៏​វា​ច្រើន​ណាស់​ដែរ។

សូម​កូន​ទាំង​ឡាយ យល់​ដល់​តម្លៃ​ទឹក​ភ្នែក​របស់​ម៉ែ​ដែល​ស្រក់​មក​ផង ព្រោះ​ទឹក​ភ្នែក​ស្រក់​មក គឺ​ដោយ​សារ​កូន​ប្រុស​ស្រី​គ្រប់​គ្នា។ ជីវិត​ម៉ែ​ដែល​ព្រម​តស៊ូ​ពុះពារ​រាល់​សេចក្ដី​លំបាក​ផ្សេងៗ រស់​នៅ​ក្នុង​លោក គឺ​ព្រោះ​តែ​ម៉ែ​មាន​កូន កូន​គឺ​ជា​អ្នកដែល​ធ្វើ​ឲ្យ​ម៉ែ​មាន​កម្លាំង​ចិត្ត តស៊ូ​រាល់​ឧបសគ្គ​ទាំង​ឡាយ ដូច្នេះ​បាន​ន័យ​ថា កូន​គឺ​ជា​មនុស្ស​ដ៏​សំខាន់​នៅ​ក្នុង​ជីវិត​ម៉ែ សូម​កូន​អាសូរ​ទឹក​នេត្រា​ម៉ែ​ផងណា៎ កូន ណា៎។

ដកស្រង់ចេញពីសៀវភៅ តំណក់ទឹកភ្នែក
ដោយ​៥០០០​ឆ្នាំ​
គតិធម៌សាកលទី៣៦
បើអ្នកមិនបានជួយអ្វីដល់សង្គមទេ សូមអ្នកកុំបំផ្លាញសង្គមទៅបានហើយ។...
គតិធម៌សាកលទី៣២
អ្នកមិនអាចទាញពេលវេលាឱ្យត្រឡប់ថយក្រោយបានឡើយ តែអ្នកអាចទាញរឿងល្អៗក្នុងអតីតកាលរបស់អ្នកដោយគំនិត។...
សម្រាប់សេចក្តីសុខក្នុងជីវិត
ហេតុអ្វីនៅក្នងបច្ចុប្បន្នជាតិនេះ អ្នកមានអាហារបរិភោគប្រណីតៗ? In this life, why do you have splendid food?...
សម្រាប់សេចក្តីសុខក្នុងជីវិត
ហេតុអ្វីនៅក្នុងបច្ចុប្បន្នជាតិនេះ អ្នកស្លាប់ដោយសារអត់បាយ? In this lfe, why are you starved to death?...
សម្រាប់សេចក្តីសុខក្នុងជីវិត
ពីព្រោះអ្នកមានការគោរពនិងបានជួយបុគ្គលទាំងឡាយ ដែលមានជីវិតកណ្តចកណ្តែងឯកា កាលពីអតីតជាតិរបស់អ្នក។ Because you have respected and helped the lonely people in your previous life...
ស្តាប់​វិទ្យុផ្សាយផ្ទាល់
វិទ្យុកល្យាណមិត្ត (បាត់ដំបង)
វិទ្យុព្រះពុទ្ធសាសនាកម្ពុជរដ្ឋ (សៀមរាប)
វិទ្យុមេត្តា (វត្តនិគ្រោធវ័ន ហៅគល់ទទឺង)
ផ្សាយផ្ទាល់​ (អគ្គបណ្ឌិត ប៊ុត-សាវង្ស)
វត្ត​មណី​រតនា​រាម​ (ភិក្ខុវជិរប្បញ្ញោ សាន-សុជា)
វត្តនិគ្រោធវ័ន (ភិក្ខុសុវណ្ណជោតោ ភួង-សុវណ្ណ)
ទូរទស្សន៍មេត្តា (Metta TV)
វិដេអូផ្សាយផ្ទាល់ (ចាន់ សុជន)
សម្លេងទើបស្តាប់ថ្មីៗ
100
243
29
230
33
201
13
199
វិដេអូទើបទស្សនាថ្មីៗ
បណ្តាញសង្គម
សិ្ថតិអ្នកចូលទស្សនា
ថ្ងៃនេះ ៥៨
ម្សិលមិញ ៨០
សរុប ២៤៧,២២០
ចំនួនស្តាប់សម្លេងព្រះធម៌ 12,142 (ទាញយក ១៤៣,៤៦០)
ចំនួនទស្សនាវវិឌីអូព្រះធម៌ ២,០៦៣
ចំនួនអានសៀវភៅ ២,១០៩ (ទាញយក ៤០,១៦៧)
ចំនួនអត្ថបទដែលបានអាន ៥៨,៣៤៨ ដង
វត្តប្រាសាទស្រះកណ្តាល(ខ្ចាស់) ឃុំ បុស្បូវ ស្រុក ព្រះនេត្រព្រះ ខេត្ត បន្ទាយមានជ័យ
រក្សាសិទ្ធិ © ២០១៤. រក្សាសិទ្ធគ្រប់យ៉ាង.